Header Ads Widget

Responsive Advertisement

Ticker

6/random/ticker-posts

ടെക്ക്നിക്കൽ അനാലിസിസ് മലയാളം


എന്താണ് ടെക്നിക്കൽ അനാലിസിസ്




Technical analysis malayalamമാർക്കറ്റ് ആക്ഷനെ കുറിച്ചുള്ള പഠനമാണ് ടെക്നിക്കൽ അനാലിസിസ് എന്നു പറയാം. 
കഴിഞ്ഞ കാലത്തിലെ വിലയുടെ പാറ്റേൺ  അനുസരിച്ച് ഭാവിയിലെ വില മുൻകൂട്ടി കാണാൻ ശ്രമിക്കുന്നു. അത് ചാർട്ട് വിശകലനം ചെയ്ത് മനസിലാക്കാൻ ശ്രമിക്കുന്നു. ടെക്നിക്കൽ അനലിസ്റ്റുകളെ ചിലപ്പോൾ ചാർട്ടിസ്റ്റുകൾ എന്നും വിളിക്കപ്പെടുന്നത് അത് കൊണ്ടാണ്.

ഈ വിവരങ്ങൾ ശേഖരിക്കാൻ ഒരു ടെക്നിക്കൽ അനലിസ്റ് പ്രധാനമായി സ്റ്റോക്കിന്റെ വില, വോളിയം  എന്നിവയെ ആശ്രയിക്കുന്നു. ഇത് രണ്ടും ആണ് ഒരു ടെക്നിക്കൽ അനലിസ്റ്റിന് പ്രധാനപ്പെട്ട വിവരങ്ങൾ നൽകുന്നത്. ഫ്യൂച്ചർ & ഓപ്‌ഷൻ മാർക്കറ്റിൽ ഇതു കൂടാതെ ഓപ്പൺ  ഇന്ററസ്റ് കൂടി നോക്കാറുണ്ട്. 

മാർക്കറ്റിന്റെ ചലനത്തിന്റെ ഫലത്തെ കുറിച്ചാണ് ടെക്നിക്കൽ അനലിസ്റ്റുകൾ  പഠിക്കുന്നത്. അതിന്റെ കാരണത്തിന് അവിടെ പ്രസക്തിയില്ല. അത് ചില വാർത്തകൾ ആയിരിക്കാം അല്ലെങ്കിൽ കമ്പനിയുടെ ഫണ്ടമെന്റലിൽ എന്തെങ്കിലും മാറ്റം വന്നത് കൊണ്ടായിരിക്കാം. പക്ഷെ ടെക്നിക്കൽ അനലിസ്റ് വിലയിൽ എന്ത് മാറ്റം വന്നു എന്ന കാര്യമേ നോക്കുന്നുള്ളൂ. കാരണം പിന്നീട് വരും എന്നവർ വിശ്വസിക്കുന്നു. പ്രധാന സമ്മർദ്ദ രേഖയോ സപ്പോർട്ടോ തകർത്ത മുന്നോട്ടു പോയോ ഇല്ലയോ എന്ന കാര്യങ്ങൾ ആണ് അവർ പ്രധാനമായി നോക്കുന്നത്. അങ്ങനെയുള്ള സൂചനകൾ ഉപയോഗിച്ച് സ്റ്റോക്കിന്റെ മുന്നോട്ടുള്ള ഉയർച്ച താഴ്ചകൾ അനുമാനിക്കുന്നു. അതിനനുസരിച്ചു തീരുമാനങ്ങൾ എടുക്കുന്നു. ഫണ്ടമെന്റൽ അനലിസ്റ്റുകൾ അതിന്റെ കാരണത്തെ കുറിച്ചറിയാനാണ് ശ്രമിക്കുന്നത്.
upstox


ഫണ്ടമെന്റൽ അനലിസ്റ്റുകൾ സ്റ്റോക്കിന്റെ വില കൂടാനുള്ള കാരണങ്ങൾ നോക്കുമ്പോൾ ടെക്നിക്കൽ അനലിസ്റ്റുകൾ അതിന്റെ വിലയിൽ ഉണ്ടായ മാറ്റത്തിന്റെ ഫലത്തിന് പ്രാധാന്യം നൽകുന്നു.


ആദ്യ കാലങ്ങളിൽ ഓരോ വിലയും രേഖപ്പെടുത്തി വെക്കുകയും ചാർട്ടുകൾ കൈ കൊണ്ട് വരച്ചും ആണ് വിശകലനങ്ങൾ നടത്തിയിരുന്നത്. കമ്പ്യൂട്ടറുകളുടെ ഉത്ഭവത്തോടെ ടെക്നിക്കൽ അനലിസിസ്ന്റെ വളർച്ച വളരെ വേഗത്തിലായി. ചാർട്ടുകൾ വരക്കാനും കണക്കു കൂട്ടലുകൾ വേഗത്തിലാക്കാനും കമ്പ്യൂട്ടറുകൾ സഹായിച്ചു. 
ആദ്യ കാലങ്ങളിൽ ഇന്ത്യയിലെ ഗവേഷണ സ്ഥാപനങ്ങളിൽ ടെക്നിക്കൽ അനലിസ്റ്റുകൾക്ക് സ്ഥാനം ഇല്ലായിരുന്നു. ഏതാനും വർഷങ്ങളെ ആയിട്ടുള്ളു ടെക്നിക്കൽ അനലിസ്റ്റുകൾ സ്ഥിര സാനിധ്യമായിട്ട്. അടുത്ത കാലം വരെ ടെക്നിക്കൽ അനലിസ്റ്റുകൾ ഊഹ കച്ചവടക്കാരും മറ്റും ആയാണ് കണ്ടിരുന്നത്. അതിന് മാറ്റം വന്നിട്ട് ഏതാനും ദശകങ്ങളെ ആയിട്ടുള്ളു.

ടെക്നിക്കൽ അനാലിസിസിലെ പല കാര്യങ്ങളും പൂർണമായി സയന്റിഫിക് ആണെന്ന് പറയാൻ പറ്റില്ല. എന്നാൽ ചില ആശയങ്ങൾ പൂർണമായി കണക്കോ സ്റ്റേറ്റിസ്റ്റിക്‌സോ ആയി ബന്ധമുള്ളവയുമാണ്. പാറ്റേണുകളിൽ മാസ്  സൈക്കോളജി ആണ് മനസിലാക്കാൻ ശ്രമിക്കുന്നത്.  അതിനു  ശാസ്ത്രവുമായി ഒരു ബന്ധവും കാണില്ല. അതനുസരിച്ചു വിവരിക്കാനും പറ്റില്ല. ആദ്യ കാലങ്ങളിൽ കമ്പ്യൂട്ടർ ഇല്ലാത്തത് കൊണ്ട് കണക്കു കൂട്ടൽ എളുപ്പമായിരുന്നില്ല എന്നു പറഞ്ഞല്ലോ. അതു കൊണ്ടു തന്നെ ആണ് കണ്ടു പിടിക്കാൻ എളുപ്പമുള്ള 10 ദിവസത്തെ മൂവിങ് ആവറേജ് പോലുള്ളവ ഉപയോഗിച്ചത്. അല്ലാതെ അതിനു എന്തെങ്കിലും പ്രത്യേകത ഒന്നും ഉണ്ടായിട്ടല്ല. 

ടെക്നിക്കൽ അനലിസിസ്ന്റെ വളർച്ച ഒറ്റപ്പെട്ട ഒരു സംഭവമായി കാണാൻ പറ്റില്ല. 1830 കളിൽ തന്നെ വില്യം സ്റ്റാൻലി ജവൻസ്‌ ഉം ജെയിംസ് വൈൽഡും പ്രൈസ് ചാർട്ടുകൾ ഉണ്ടാകുകയും കമ്പനികൾക്കു വിൽക്കുകയും ചെയ്തിരുന്നു. ജപ്പാനിൽ മുനെഹിസ ഹോമ  ക്യാൻഡിൽ സ്റ്റിക് ടെക്നിക് വികസിപ്പിച്ചെടുത്ത കഥ വളരെ പ്രസിദ്ധമാണല്ലോ. പിന്നീട് ആധുനിക ടെക്നിക്കൽ അനലിസ്റ്റിന്റെ പിതാവ് എന്നറിയപ്പെടുന്ന ചാൾസ് ഡൗ ന്റെ കണ്ടെത്തലുകൾ ടെക്നിക്കൽ അനലിസിസിന്റെ വളർച്ച വേഗത്തിലാക്കി.


ചാർട്ട് പാറ്റേണുകളിൽ ആഗ്രഗണ്യനായ റിച്ചാർഡ് ഷാബേക്കറുടെ  തിയറികളും എഴുത്തുകളും ആസ്പദമാക്കി എഡ്‌വേർഡും മാജിയും എഴുതിയ ടെക്ക്നിക്കൽ അനാലിസിസ് ഓഫ് സ്റ്റോക്ക് ട്രെൻഡ്‌സ് എന്ന പുസ്തകം ടെക്നിക്കൽ അനലിസിസ്ന്റെ ബൈബിൾ എന്നറിയപ്പെടുന്നു.

പക്ഷെ ഡൗ, വൈക്കോഫ്, എലിയട്ട് തുടങ്ങിയ അനലിസ്റ്റുകൾ ചാർട്ട് പാറ്റേണുകൾക്ക് വലിയ പ്രാധാന്യമില്ലാത്ത  രീതിയാണ് പിന്തുടർന്നത്. അപ്പോൾ ടെക്നിക്കൽ അനലിസിന് പല വക ഭേദങ്ങൾ ഉണ്ടെന്ന് മനസിലായില്ലേ.


ടെക്നിക്കൽ അനലിസിസിന് പിന്നിലെ  അടിസ്ഥാന തത്വങ്ങൾ

1) മാർക്കറ്റിന്റെ പ്രവർത്തനത്തിൽ എല്ലാ കാര്യങ്ങളും ഇളവ് ചെയ്യപ്പെടും.
2) മാർക്കറ്റ് ഒരു ട്രെന്റിൽ ആയിരിക്കും എപ്പോളും.
3) ചരിത്രം ആവർത്തിക്കപ്പെടും.

ഡൗ തിയറിയിലെ നിയമങ്ങൾ അനുസരിച്ചാണ് ടെക്നിക്കൽ അനാലിസിസ് വികസിച്ചു വന്നത് എന്നു പറയാം. വിലയുടെ ഉയർച്ച താഴ്ചകളെ കുറിച്ചു ചാൾസ് ഡൗ ആദ്യ കാലങ്ങളിൽ എഴുതിയ ചില കാര്യങ്ങളെ പിന്നീട് വന്ന പലരും വികസിപ്പിച്ചെടുത്തു. ചില പത്രങ്ങളിൽ സാമ്പത്തിക റിപ്പോർട്ടർ ആയി തുടങ്ങിയ അദ്ദേഹം ബ്രോക്കർ ആയും വാൾ സ്ട്രീറ്റിൽ ഫ്ലോർ ട്രേഡേർ ആയും പ്രവർത്തിച്ച ശേഷം ഈഡൻ ഡി ജോൺസുമായി ചേർന്ന് 1889 ഇൽ ഡൗ ജോൺസ് ആൻഡ് കമ്പനി ന്യൂസ് സർവീസ്  എന്ന സ്ഥാപനം തുടങ്ങി. ഡൗ തന്നെ ആയിരുന്നു എഡിറ്റർ. അന്ന് അദ്ദേഹം എഡിറ്റോറിയലിൽ എഴുതിയ കാര്യങ്ങൾ 1902 ഇൽ അദ്ദേഹത്തിന്റെ മരണ ശേഷം ഡൗ തിയറി എന്നറിയപ്പെട്ടു തുടങ്ങി.


ഡൗ തിയറിയിലെ രണ്ടു പ്രധാന അനുമാനങ്ങൾ

1) ഒരു സെക്യൂരിറ്റിയുടെ വിലയിൽ അതിന്റെ വിലയെ സ്വാധീനിക്കുന്ന എല്ലാ ഘടകങ്ങളും ഇളവ് ചെയ്യപെടും. അതായത് ഒരു സ്റ്റോക്കിന്റെ ഒരു സമയത്തെ വിലയിൽ അതിന്റ അതുവരെ ലഭ്യമായ എല്ലാ വിവരങ്ങളും ഇളവ് ചെയ്യപ്പെട്ടിരിക്കുന്നത് കൊണ്ട് ആ വില അതിന്റെ യഥാർത്ഥ വിലയെ സൂചിപ്പിക്കുന്നു. പലപ്പോഴും നല്ല റിസൾട്ട് വന്നാലും സ്റ്റോക്ക് താഴെ പോകുന്നതും, മോശം വാർത്ത ആയിട്ടും സ്റ്റോക്ക് മുകളിലേക്ക് പോകുന്നതും നമ്മൾ കണ്ടിട്ടുള്ളതാണ്. നമ്മളിലേക്ക് ആ വാർത്ത എത്തുന്നതിനു മുൻപേ അവ സ്റ്റോക്കിന്റെ വിലയിൽ പ്രതിഫലിച്ചിട്ടുണ്ടാകും. നമ്മൾക്ക് ആ വാർത്തകൾ ഏറ്റവും അവസാനം ആണ് ലഭിക്കുന്നത്.

2) മാർക്കറ്റിന്റെ ചലനം പൂർണമായി ക്രമരഹിതം അല്ല. തിരിച്ചറിയാൻ പറ്റുന്ന ചില ക്രമത്തിലും ഗതിയിലും  ആണ്. അവ ആവർത്തിക്കപ്പെട്ടു കൊണ്ടിരിക്കുന്നു. സ്റ്റോക്കിന്റെ വില ട്രെന്റിൽ ആയിരിക്കും എപ്പോളും. അത് ഹ്രസ്വ കാല ട്രെന്റ് ആയിരിക്കാം, അല്ലെങ്കിൽ ദീർഘ കാല ട്രെൻഡ് ആയിരിക്കാം. ടെക്നിക്കൽ അനാലിസിസ് വഴി അത് മനസിലാക്കി അത് വഴി ലാഭമുണ്ടാക്കാൻ പറ്റും.

മാർക്കറ്റിന്റെ പ്രധാന ചലനത്തെ പ്രാഥമിക ട്രെൻഡ് എന്നു പറയുന്നു. ഇത് ഒരു വർഷത്തിൽ കുറവ് മുതൽ പല വർഷങ്ങൾ വരെ നില നിൽക്കാം.

ഒരു പ്രൈമറി ട്രെന്റിനകത്തു സെക്കണ്ടറി ട്രെൻഡുകൾ അടങ്ങിയിരിക്കുന്നു. 10 ദിവസം മുതൽ 3 മാസം വരെ ഇവ നില നിൽക്കാം.  സ്റ്റോക്ക് നല്ല രീതിയിൽ മുന്നോട്ട് പോയ ശേഷം ചെറിയ ഒരു കറക്ഷൻ കാണാറുണ്ടല്ലോ. പ്രൈമറി ട്രെന്റിന്റെ 33 മുതൽ 66 ശതമാനം വരെ വില പിറകോട്ടു വരാം.

ഇതിനകത്തും വളരെ ചെറിയ മൂവ്മെന്റുകൾ കാണാം. ചില മണിക്കൂറുകൾ മുതൽ ഒരു മാസമോ അതിൽ കൂടുതലോ അവ നില നിൽക്കാം.

ഇവ ചാൾസ് ഡൗ വളരെ വർഷങ്ങൾക്കു മുൻപ് നിരീക്ഷണങ്ങളിലൂടെ കണ്ടെത്തിയ കാര്യങ്ങൾ ആണ്. ഇന്നും ഇതിന്റെ പ്രസക്തി നമ്മളെ അത്ഭുതപ്പെടുത്തുന്നതാണ്. 

ചാൾസ് ഡൗ ഇത് ഇങ്ങനെ തിയറി ആയൊന്നും എഴുതിയിരുന്നില്ല. അദ്ദേഹത്തിന്റെ കണ്ടെത്തലുകളെ കുറിച്ചു പഠിച്ച പിന്നീട് വന്ന പലരും അദ്ദേഹത്തിന്റെ എഴുത്തുകളിൽ നിന്ന് പല തിയറികളും വികസിപ്പിച്ചെടുത്തു.

ടെക്നിക്കൽ അനാലിസിസിന്റെ ഉപയോഗങ്ങൾ

ഏത് സെക്യൂരിറ്റി ആയാലും, അതായത് സ്റ്റോക്, കടപ്പത്രങ്ങൾ, കമ്മോഡിറ്റി, കറൻസി, ഫ്യൂച്ചർ ഓപ്ഷൻ ഇങ്ങനെ ട്രേഡ് ചെയ്യപെടുന്ന എന്തിലും ടെക്നിക്കൽ അനാലിസിസ് ഉപയോഗിക്കാം. ഇവയുടെ ഭാവിയിലെ ഉയർച്ച താഴ്ചകൾ  മുൻകൂട്ടി മനസിലാക്കാൻ ടെക്നിക്കൽ അനാലിസിസ് സഹായിക്കുന്നു.

ടെക്നിക്കൽ ഇൻഡിക്കേറ്റർ

ഒരു ടെക്നിക്കൽ അനലിസ്റ്റിന്റെ പ്രധാന ആയുധങ്ങൾ വിലയും വോളിയവും ആണ്. പക്ഷെ ഇവ ഉപയോഗിച്ചു വിശകലനം കൂടുതൽ എളുപ്പമാക്കാൻ ചില ഇൻടിക്കറ്ററുകൾ അനലിസ്റ്കൾ വികസിപ്പിച്ചെടുത്തു. ഇവ മിക്കതും ഉണ്ടാക്കിയത് വില, വോളിയം എന്നിവയിൽ നിന്നാണ്. അവയുടെ ഓരോന്നിന്റെയും ഉപയോഗങ്ങളും പലതാണ്. മൂവിങ് ആവറേജ് , റിലേറ്റീവ് സ്ട്രെങ്ത് ഇൻഡിക്കേറ്റർ അങ്ങനെ നിരവധി ഇൻഡിക്കേറ്ററുകൾ ഉണ്ട്. അവ ഓരോന്നിനെ കുറിച്ചും മറ്റൊരു പോസ്റ്റിൽ സംസാരിക്കാം.




ഷെയർ മാർക്കറ്റുമായി ബന്ധപ്പെട്ട ഞങ്ങളുടെ യൂട്യൂബ് ചാനൽ കാണാം  ഷെയർ മാർക്കറ്റ് മലയാളം

Post a Comment

7 Comments